Kryedemokrati Lulzim Basha ka zbuluar se vetë do të kandidojë vetëm në Tiranë. Basha tha se nuk do të garojë në asnjë qark tjetër, përveç Tiranës. Basha shtoi se Tirana e ka besuar për herë të parë përfaqësimin si deputet, drejtimin si kryebashkiak dhe për këto arsye ka vendosur të garojë aty. Lulzim Basha: Do të garoj në qytetin e Tiranës. Ky qytet më ka besuar për herë të parë përfaqësimin si deputet. Më ka besuar drejtimin si kryebashkiak dhe unë do të garojë në qytetin e Tiranës. Jo nuk do të garoj në asnjë qark tjetër. Çdo qark do të ketë deputetët e vet dhe drejtuesit e vet. Megjithëse si kryetar i partisë dhe si kandidati për kryeministër, i opozitës së bashkuar, unë do të bëj fushatë në të gjithë vendin, padiskutim. Në mënyrën më absolute 25 Prilli do të jetë ditë e një ndryshimi të madh dhe ky është verdikt, kjo është aspiratë e shumicës dërmuese të shqiptarëve.