Kontjana Kuçi: Tre fakte për kryetaren e emëruar të Bashkisë Durrës

101
Tre fakte për kryetaren e emëruar të Bashkisë Durrës.
Sot, kryetarja (e radhës) e emëruar e Bashkisë Durrës, nën frymën e propagandës boshe rilindase premtoi se gjatë mandatit të tretë të “Rilindjes” do realizohet projekti 2 miliardë euro për Portin e Durrësit dhe hapja e plotë e amfiteatrit për të promovuar trashëgiminë kulturore të qytetit tonë.
Ja tre fakte për zonjën “rilindase.”
1️⃣ Gjatë vizitës së fundit të kryeministrit të saj në Bruksel, shefi i saj iu lut zyrtarëve të lartë të BE të mos e kritikonin publikisht që projekti i tij për Portin e Durrësit shkel Marrëveshjen e Stabilizim Asociimit me BE, kërcënon sigurinë kombëtare dhe bie ndesh me investimet e BE, dhe vendet europiane nuk do e lejojnë një projekt të tillë farse.
Ndaj nuk duhet përdorur ky projekt për efekte elektorale. Se është turp dhe gënjeshtër e madhe.
2️⃣ Hapja e plotë e Amfiteatrit? Vlerat arkeologjike dhe historike të Durrësit? I gjithë Durrësi e di se sa dashuri keni ju për trashëgiminë kulturore të cilët e mbuluat me beton dhe e shkatërruat me kullat e larta. Betonizuat gjetjet në Lulishten 1 maji, gjetjet tek Kodra Vilë, mozaikët e rrallë, shkatërruat sheshin e Torrës Veneciane, e çdo centimetër të Durrësit.
Ndaj asnjë banor i Durrësit nuk beson një fjalë të vetme të rilindasve për vlerat arkeologjike të Durrësit.
Të ishte për rilindasit edhe amfiteatrin do e betonizonit.
Mos harrojmë. Në 21 vitet e fundit Durrësi është drejtuar nga PS. Dhe janë këto 21 vite që Durrësi u betonua më shumë se kurrë dhe identiteti i qytetit tonë humbi.
3️⃣ Fakti i tretë është fare i thjeshtë: NUK DO KETË NJË MANDAT TË TRETË të “Rilindjes.”
Edhe 50 ditë. Këto janë ditët e mbetura të sektit të betonit dhe korrupsionit.
Historia juaj mbyllet pas pak ditësh.
Më 25 prill, Durrësi do i kthehet banorëve të thjeshtë.
Kontjana Kuçi
Kryetare e LSI Durrës
Sigal