Këshilli i Lartë Gjyqësor vendosi ngritjen e Gjykatave së Posaçme, të shkallës së parë dhe të apelit kundër Krimit të Organizuar dhe Korrupsionit.
Në mbledhjen e zhvilluar ditën e djeshme, KLGJ vendosi të emëronte në mënyrë të përhershme në Gjykatën e Posaçme të Apelit gjyqtarët e mëposhtëm:
- Albana Boksi
- Nertina Kosova
- Saida Dollani
- Dhimitër Lara
- Sokol Binaj
Ndërkohë gjyqtarja Nure Dreni u caktua në mënyrë të përkohshme në këtë gjykatë, për shkak se nuk ka kaluar ende procesin e vetingut.
Në Gjykatën e Posaçme të shkallës së parë u emëruan në mënyrë të përkohshme, për shkak se nuk kanë kaluar ende procesin e vetingut apo vendimi i tyre nuk ka marrë formë të prerë, gjyqtarët e mëposhtëm:
- Daniela Shirka
- Etleva Dede
- Flora Haredinaj
- Ilirjana Olldashi
- Irena Gjokaj
- Marsela Balili
- Miliana Muçaj
- Ardit Mustafaj
- Bib Ndreca
- Fran Prendi
- Klodian Kurushi
- Sandër Simoni
Gjithashtu KLGJ vendosi transferimin e gjyqtarëve Fehmi Petku, Gjovalin Përnoca, Gurali Brahimllari, Idriz Mulkurti, Dhurata Haveri dhe Luan Hasneziri në gjykatat e apelit dhe shkallës së parë. Këta gjyqtarë u shkarkuan nga Komsioni i Pavarur i Kualifikimit dhe vendimi i transferimit do të marri fuqi kur ata të marrin vendim konfirmimi nga Kolegji i Posaçëm i Apelimit.
Anëtari i KLGJ, Dritan Hallunaj u emërua pranë Gjykatës së Rrethit Gjyqësor Tiranë, pozicion të cilin do ta ushtrojë pas mbarimit të mandatit si anëtar i KLGJ.
