Këshilltari gjerman Martin Henze: Basha kërcënon CDU dhe Doris Pack

269
Sigal

Këshilltari gjerman, Henze: Basha kërcënon CDU dhe Doris Pack. Të përjashtohet nga PD në 11 Dhjetor

Këshilltari gjerman që ka punuar pranë PD, Martin Henze, ka dënuar deklaratat e Lulzim Bashës në adresë përfaqësuesve të CDU-së dhe Doris Pack, kryetare e Unionit të Grave në Partinë Popullore Europiane. Përmes një postimi, Henze shkruan se Basha ka lëshuar mesazhe kërcënuese drejt Doris Pack dhe kolegëve të saj, pas qëndrimeve të tyre kundër përjashtimit të Sali Berishës nga grupi parlamentar i PD. Doris Pack tha se Basha ka shkelur statutin.Ai thotë se Basha duhet të përjashtohet nga PD në Kuvendin Kombëtar të 11 dhjetorit, jo vetëm për dëmtimin e interesave të PD-së, por për tentativën për të minuar raportet e saj me organizatat ndërkombëtare, siç është PPE në këtë rast. Kryetari në detyrë i PD, autokrati Lulzim Basha po kërcënon tani edhe përfaqësuesit e CDU-së dhe kryetaren e Unionit të Grave në Partinë Popullore Europiane njëherazi drejtuese e Fondacionit “Schumann”, Doris Pack. Ai i shkroi asaj pasi kolegët e mi të partisë kritikuan veprimet joligjore kundër deputetit të PD Sali Berisha në një intervistë ditën e djeshme… ‘Është për të ardhur keq dhe shumë e dëmshme për atë çfarë ata përfqësojnë…’ Zoti Basha, mjaft, mos kërcënoni institucionet europiane dhe përfaqësuesit e partive europiane. Përmbahuni nga masakrimi i ne, demokratëve.  Asambleja e Përgjithshme e Partisë Demokratike të Shqipërisë (Kuvendi Kombëtar), duhet të shqyrtojë gjithashtu në 11 dhjetor 2021 përjashtimin e kreut aktual të PD, Lulzim Basha për sjellje dëmtuese partiake, jo vetëm ndaj anëtarëve të PD, por tashmë edhe ndaj organizatave, të Partive Popullore Europiane. Sjellja anti-europiane, e cila dokumentohet këtu në një mënyrë të justifikueshme, duhet të jetë e mjaftueshme. Bisedimet e mëtejshme me këta persona në nivel europian tashmë nuk mund të mendohen.