I nderuar Ambasadori Lu, Ju dëgjova për deklaratën e radhës
për vonesën në arrestimin e një
personi, që sipas shtypit grek ka
organizuar transport droge në vendin
fqinj. A është i vetmi ky transportues, në qoftë se ështe ashtu siç thotë shtypi grek? Ju ashtu si unë
dhe të gjithë shqiptarët e dinë se
i gjithë vendi është mbjellë me drogë, ruhet nga njerëz të armatosur ditën me diell dhe përpunohet e bëhet prodhim i gatshëm për transport nga qindra e mijëra qytetarë që e kanë të vetmin
mjet për të siguruar bukën e gojës.
Pastaj ky mall me vlerë transportohet në Itali me tonelata e këtej në të gjithë Evropën.
E përsëris e gjitha me bekimin e një
shteti që gjobit një fshatare që
shet një tufe qepësh apo burgos një të papunë që nuk është
në gjendje të paguajë
energjinë që fëmijët e tij të bëjnë mësimet. Ja u kap dhe u burgos ai që përmendni ju. A nuk ka me dhjetëra si ai që sot transportojnë prodhimin”e mbarë”
të drogës shqiptare. Ne zoti ambasador
kemi një fjalë të urtë:
“Demi kapet nga brirët”.