Ironia e Ngjelës: Bravo Xhafajt nëse ka ndryshuar ligjin për ekstradim, se njihja për kurajoz

474
Avokati Spartak Ngjela përmes një statusi në ‘Facebook’ iu është bashkuar reagimeve pas akuzat të opozitës për vëllain e ministrit të Brendshëm Fatmir Xhafajt, se Agron Xhafaj është i përfshirë në trafik droge.
Ngjela theksoi se do të ishte turp për politikën dhe Xhafajn nëse ky i fundit ka ndryshuar ligjin për ekstradimin. Mes ironisë Ngjela tha se nuk e njihte Xhafajn për kaq kurajoz.
REAGIMI I NGJELËS
Turp për të djathtën shqiptare që dhe një nen patriotik që kemi bërë, e quajnë shkelje.
Nuk më duhet fare kush është Fatmir Xhafaj, por nëse është tërësisht me politikën amerikane, kjo sot është vlerë historike.
Kurse neni i procedurës për ekstradimin që u përfol, është një dinjitet kombëtar, kur shqiptarët në disa vende perëndimore i trajtojnë me racizëm të hapur. Nuk e di nëse e ka bërë Xhafaj këtë nen, se pavarësisht nga njohja që kam më të, nuk e kam menduar kurrë se mund të jetë kaq kurajoz sa të godasë racizmin antishqiptar të grekëve etj.
Po e ka bërë ai, bravo i qoftë.
Janë mijra shqiptarë të pafajshëm që vuajnë dënime drastike në Itali, në Greqi dhe në Belgjikë… dhe shteti shqiptar është treguar një maskara politik se ka pasur frikë ngaqë ministrat shqiptarë kanë qenë të korruptuar. Unë personalisht kam bërë shumë gjyqe në Perëndim dhe e njoh mirë këtë situatë anti shqiptare. Dispozita që pashë, është ngritje e dinjitetit të shqiptarit. Kushdo që e ka bërë atë, dhe cilido qoftë motivi i tij.
Sigal