Shqipëria është e fundit në rajon dhe në Europë për kërkimin shkencor
• Sipas revistës Science, Shqipëria ka vetëm 6 artikuj shkencorë për 100 mijë individë.
• Nuk mund të krahasohemi as me Serbinë (69 artikuj), as me Malin e Zi (50 artikuj), as me Maqedoninë e Veriut (21 artikuj) dhe as me Kosovën (15 artikuj).
Studimi i revistës “Science” i jep zë alarmit që ne kemi ngritur prej kohësh. Buxheti për arsimin dhe financimi i kërkimit shkencor janë në nivele të mjerueshme.
Duke i dhënë vetëm 2,29% të PBB arsimit në tërësi dhe 0,04 % kërkimit shkencor, është e qartë se kësaj qeverie nuk i bëhet vonë për shkollat, universitetet, mësuesit, pedagogët nxënësit apo studentët.
Ajo e ka injoruar kërkesën tonë dhe të pedagogëve për ta rritur mbështetjen për kërkimin shkencor të paktën deri në 0.3% të PBB, ndërkohë që në progres-raportin e fundit standardi është 1%.Ndërsa intelektualët më të përgatitur dhe studentët ekselentë marrin rrugët e Europës në kërkim të mundësive që vendi i tyre nuk ua jep, paratë e taksapaguesve shkojnë për koncesione e PPP që mbushin xhepat e klientëve të qeverisë.
Kjo qeveri po dëbon trurin për të kënaqur oreksin e oligarkëve me paratë e shqiptarëve të varfër.
