Edmond Ndou, kandidat i LSI/ Intelektuali, me vizion të qartë për ardhmërinë e Shkodrës

592
Sigal

Edmond Ndou, kandidat i LSI/ Intelektuali, me vizion të qartë për ardhmërinë e Shkodrës. U rendita me LSI-në, sepse rinia duhet të marrë në dorë fatet e vendit. Shqipëria, është shtëpia jonë

 

Nga Ramazan Çeka

       

Edmond Ndou, shkodrani me vizion të qartë për ardhmërinë e Shkodrës

Edmond Ndou, djali fisnik që hijeshon dhe nderon qytetin e Shkodrës me vlerat dhe virtytet më të larta të qytetarisë, të mishëruara në karakterin e tij dinjitoz m’u dha rasti ta njihja para shumë kohësh. Ishin muajt e fundit të vitit 2014 ku në përçapjet e gjata zyrtare të formulimit të dokumentave për legalizimin e pronave të mia rastisi që disa shkresa zyrtare të m’i plotësonte Mondi, siç e thërrisnin kolegët e tij. Më ra në sy pasioni dhe përkushtimi me të cilin punonte. Disi i habitur nga korrektësia e tij në komunikim me njerëzit guxova ta pyes, se cili është profesioni juaj Mondi? Me atë buzqeshjen e ëmbël që e karakterizon ngriti kokën nga kompjuteri dhe m’u drejtua me mirësjellje. Jam jurist në profesion dhe këtu merrem me plotësimin e dokumentave të pasurive të paluajtshme të Shkodrës, detyrë, të cilën mesa duket e ka mbajtur edhe disa vite me vonë pasi në 2017 po për nevoja familjare, në një shkresë zyrtare që mora në këtë institucion rastisi të ketë vulën dhe firmën e tij tashmë si drejtor suprem i këtij dikasteri.

Pak kohë më vonë, po në 2017 Edmond Ndou bëhet një emër i njohur në Qarkun e Shkodrës si kandidat për deputet nga radhët e LRI-së. Aty njohja jonë mori një rrjedhë akoma më të madhe pasi në bashkëpunim me djalin tim Arsidin u angazhuam për të realizuar spotin e LSI-së së asaj fushate elektorale, e cila pati një sukses të paparë, qoftë si tekst ashtu edhe si muzikë. Gjatë xhirimit të videoklipit me të rinjtë e kësaj force politike pata fatin e mirë ta njoh Mondin edhe si lider të atij grupi rinor, i cili me autoritetin e tij dinte të mbante të gjallë frymën e shpresës dhe të mblidhte rreth vetes djem e vajza mjaft të talentuar, shumica të angazhuar me studime akademike. Pak muaj më vonë Edmond Ndou emërohet Drejtor i “Medja Nord” televizioni më i madh lokal në Shqipëri nga ku bashkëpunimet mediatike me të morën një rrjedhë të gjatë e plot suksese. Kjo falë njohjes dhe kontakteve të shumta që kisha me kolosët e artit, muzikës, ekranit e deri tek ata mediatike, ku krijuam fusha të ndërsjellta komunikimi dhe bashkëpunimi; si me televizionin që ai drejtonte, po ashtu edhe me stafin me të cilët punonte. Shumë herë kam qenë i ftuar në programet e këtij televizioni për të cilin mund të them me plot gojë se falë përkushtimit të drejtorit të saj z. Edmond Ndou, si dhe punës së talentuar të stafit TV1 CHANNEL me emisionet e tyre me mesazh të fuqishëm informues dhe sensibilizues, edhe pse cilësohet si media lokale, jehona e shtuar e tij po e kthejnë atë në një media të fuqishme kombëtare, çka u vu re edhe në koncertin e veçantë e tejet të rrallë të këngëtarit, “Mjeshtrit të Madh” Bujar Qamili në ditët më të errta të 2020-ës kur pandemia, izolimi, skamja, frika e varfëria kishin gjunjëzuar rëndë Shkodrën dhe të gjithë botën ku shpërndarja dhe shikueshmëria prekën shifra marramendëse. Në një nga takimet tona, të cilat lidhen kryesisht me punën time si asistent prej dy sezonesh, i emisionit “Pasdite në TV1 Channel”, televizionin që ai drejton, shprehu dëshirën për të realizuar edhe një këngë motivuese për të rinjtë e këtij qyteti, tekstin e së cilës ia kisha lexuar ditë më parë në kafe, çka u bë edhe shkas i këtij shkrimi modest krahasuar me sa meriton Ai.

Po kush është Edmond Ndou?
Edmond Ndou lindi në qytetin e Shkodrës më 06.05.1990 në një familje të thjeshtë shkodrane nga dy prindër mjaft të vlerësuar e të respektuar nga ky qytet. Prindërit e tij Kol Prel Ndou dhe Lindita Nikoll Logu do bënin gjithçka për ta mirë edukuar e shkolluar këtë djalë, për ta bërë në të ardhmen e tij një qytetar model. Studimet e para akademike për drejtësi, dhe ato pas universitare “Master Shkencor” të profilizuar në Administratë Publike dhe Kushtetuese, Edmond Ndou i kreu në Shkodër. Më pas, duke mos u mjaftuar me aq në egot e tij për dije, gjatë viteve 2018 – 2019 kryen shkollën e specializuar të Avokaturës në Tiranë. Gjatë gjithë formimit të tij akademik Edmond Ndou përvetëson edhe disa gjuhë të huaja, të cilat janë një bonus kulturor për kornizën e tij, duke e përgatitur kështu edhe për një karrier të suksesshme si lidër politik apo juridik. Falë gjithë këtij përkushtimi, serioziteti në punë dhe respekti të ndërsjelltë me njerëzit, që nga më të thjeshtit e deri tek personalitete të shquar të të gjitha dimensioneve, politike, juridike e diplomatike, Edmond Ndout në 2020-tën i akordohet titulli i lartë “Misionar dhe Ambasador i Paqes në Botë”. Kjo përvojë e gjatë pune, dijesh, komunikimi dhe respekti të ndërsjelltë me qytetarët e Qarkut të Shkodrës ka bërë që z. Edmond Ndou të guxojë sërish të garojë në zgjedhjet e 25 prillit 2021 në strehën e tij të zemrës politike si deputet i LSI-së, i cili renditet i dyti në listën e këtij subjekti politik. Garimi i tij nga qytetarët e Qarkut të Shkodrës shihet si një mundësi e artë për ndryshimin e kësaj situate kaotike sociale që edhe sikur të mos mungonte pandemia sërish është e rëndë.  Rënia e thellë ekonomike, emigrimi i të rinjve dhe rritja e papunsisë, të cilat i vë në dukje vazhdimisht, duhet të marrë fund njëherë e përgjithmonë, thotë Ai. Edmond Ndou vazhdimisht thotë; unë garoj për Shkodrën dhe qytetarët e saj dhe jo për poste individuale. Rinia duhet të marrë në dorë fatet e vendit. Shqipëria është e të gjithëve ndaj ne duhet të japim më të mirën tonë për këtë vend e në këtë vend. Kjo është edhe arsyeja pse Edmond Ndou cilësohet si shkodrani me vizion të qartë për ardhmërinë e Shkodrës.