Dr. Ina Zhupa: Prezantohet programi për Rininë. Është koha për zgjidhje. Basha do djellë ndryshimin dhe shpresën

174
Sigal

 

Zëdhënësja e PD, Dr. Ina Zhupa prezanton programin për Rininë

Basha do të sjellë ndryshimin dhe shpresën

Zëdhënësja e PD, Dr. Ina Zhupa ka folur në prag të prezantimit të programit të demokratëve për rininë. Dr. Ina Zhupa është një prej të angazhuarave për hartimin e këtij programi, teksa thotë se shtysa kryesore ishte gjendja emergjente ku ndodhet sot Shqipëria. 183 mijë të rinj nën 34 vjeç, nga 2014 deri sot që janë larguar nga atdheu.

Zëdhënësja e PD, Dr. Ina Zhupa prezanton programin për Rininë

Kur punoja për programin e rinisë, emergjenca e situatës ku jemi sot, ishte shtysa kryesore që të angazhohesha çdo ditë e më shumë për të gjetur zgjidhjen sa më të mirë. Shqipëria është në një gjendje emergjence.

Shpopullimi…

183 mijë të rinj që nga 2014 deri sot, nën moshën 34 vjeç janë larguar nga Shqipëria. 78.6% e kërkesave për azil në BE janë të rinj në moshën deri 34 vjeç. Ata që nuk janë larguar ende – duan të largohen nga vendi.

Humbja e shpresës…

Ne po humbasim brezin tonë të ardhshëm. Ne po humbasim vazhdimësinë e Shqipërisë. Po humbasim shpresën. Dhe kur humbet shpresën, humbet gjithcçka. Arsimi është arma më e fortë që merr një i ri për të përballuar jetën, edhe këtë rinia shqiptare e humbi nga rilindja. E humbi me një reformë të dështuar në arsimin e lartë, që shkatërroi studentin dhe familjet e tyre, ku merita dhe preferenca nuk vlenin.

Humbja e Rinisë…

Rinia humbi edhe më shumë shpresat. Tarifat u rritet nga 15 deri ne 45% sipas degëve të ndryshme duke ju bërë barrë familjeve të varfëra shqiptare dhe shumë të rinj e patën të pamundur të vazhdonin studimet për shkak të pamundësisë për t’i paguar. E humbi po ashtu me një reformë të dështuar në arsimin profesional, që propagandohej si një nga sukseset që do sillte rilindja. Por jo vetëm që nuk u shtuan të rinjtë që marrin arsim profesional por rregjistrimet në këto shkolla kanë rënë me 20%. Rinia ka humbur besimin! 50% e të rinjve nuk kanë besim te sistemi arsimor dhe as te drejtësia ne vend. 52.3% e atyre që kanë një diplomë universitare duan të emigrojnë jashtë vendit.

Mjerimi Migjenian

Papunësia është ulur këmbëkryq te rinia. 31,8% e të rinjve që janë në moshën deri 24 vjeç dhe që kanë mbaruar arsimin e lartë dhe nuk vazhdojnë një cikël tjetër studimesh janë pa punë, ata janë “rrugëve” si shpresëhumburit e mëdhenj. Kjo shifër është më e larta në rajon. Mundësitë për të krijuar familje, për të rritur fëmijë dhe për të blerë një shtëpi i kanë humbur rinisë shqiptare. Nga të dhënat zyrtare, çiftet e reja që sapo kanë krijuar familje si pasojë e mospërkrahjes, mbi 50% të buxhetit të tyre e harxhojnë për ushqime, pra për mbijetesë. Unë si nënë e një djali 20 muajsh, i di shumë mirë kostot që duhen, për të përballuar mirë rritjen e fëmijës. Si mund të mendojnë për të bërë fëmijë, për të blerë një shtëpi, një çift i ri pa asnjë përkrahje? Shqipëria ka humbur rininë në këto 8 vite dhe rinia ka humbur shpresat dhe Shqipërinë.

Është koha për zgjidhje

Është koha për zgjidhje, është koha për angazhime konkrete dhe një qeveri që punon për shqiptarët dhe për rininë. Rinia fiton me programin tonë! Unë besoj se Lulzim Basha do ta sjellë ndryshimin: Të na kthejë rininë, të na kthej shpresën! Të bëjë gjithçka që ne të rinjtë të jemi krenar dhe të lumtur në vendin tonë. Unë kam besim tek Lulzim Basha dhe ftoj çdo të ri të ketë të njëjtin besim. Lulzim Basha do jetë kryeministri i rinisë, sepse ne jemi të bindur që kur Rinia Fiton, e gjithë Familja shqiptare Fiton, e gjithë Shqipëria Fiton!