Në Vlorë ekzistojnë dy klane të lidhur me drogën. Të parët përfaqësohen nga Habilajt, kushërinjtë e Saimir Tahirit, të dytët janë të lidhur me ministrin e ardhshëm, Fatmir Xhafajn.
Ky është denoncimi që bën ish-kryeministri Sali Berisha me një mesazh në faqen e tij në Facebook.
Sipas një mesazhi që ka mbërritur tek Berisha, droga që u kap në Llakatund ishte e grupit të Habilajve.
“Pershendetje doktor droga e kapur ne Lakatund nuk esht 15 por 25 tonelata. Kjo droge esht e klanit Habilaj kushurijve te Sajmir Tahirit. Informacioni per drogen esht dhene nga Klani Xhafa i cili ka pesuar disa goditje ne trafikun e droges fale autoriteteve italiane,e fundit ishte skafi qe u mbyte para nje jave ne det” shkruan Berisha.
Ndërkohë ish kryeministri ka qeshur me deklaratat e Haki Çakos para policëve. Ky i fundit ia dedikoi misionin e kapjes së drogës, kryeministrit Edi Rama.
“Haki droga ju betohet policeve per koken e Norieges!
Kapen ne Vlore 25 tonelata droge e klanit Habilaj, i cili paditet nga klani Xhafa!
Haki droga betohet para policeve per koken e Norieges!
Njeriu qe se bashku me Noriegen dhe Saje qorrin krijoi narko-republiken e pare ne Europe, ju tha dje policeve: “do ta çojmë këtë operacion deri në fund dhe i kemi premtuar për ta realizuar me sukses këtë prioritet të qeverisë shqiptare nën vëmëndje dhe kujdes të veçantë të kryeministrit shqiptar!” Hahaha?!” shkruan Berisha.
