Zëdhësi i presidentit Ilir Meta, Tedi Blushi ka reaguar sërish lidhur me tubimin e paralajmëruar nga Presidenti i Republikës në Qytetin student më datë 8 dhjetor, ndërsa sqaron se askush nuk mund ta ndalojë Kreun e shtetit deri në zbatimin e detyrimit kushtetues për referendumet.
Blushi sqaron se tubimi i Dhjetorit do të jetë nisja e dialogut të Presidentit Meta me Shqipërinë dhe ka për qëllim mbrojtjen e Demokracisë dhe Kushtetutës!
Reagimi i plotë i Tedi Blushit:
Të dashur kolegë gazetarë,
Interesimit tuaj të jashtëzakonshëm, për të mësuar sa më shumë detaje rreth tubimit mbarëpopullor të thirrur nga Presidenti i Republikës Sh.T.Z ILIR META, në 8 dhjetor 2019, në DITËN E RINISË, ju sqaroj se:
Nisja e Dialogut të Presidentit META me Shqipërinë ka për qëllim mbrojtjen e Demokracisë dhe Kushtetutës!
Dialogun e Presidentit META me shqiptarët nuk mund ta ndalë ASKUSH, deri në zbatimin e detyrimit kushtetues për Referendumet.
JEMI TË VENDOSUR DERI NË FUND: DEMOKRACINË NUK E JAPIM ME KONCENSION!
TANI VETËM DEMOKRACI DIREKTE!
TANI VETËM REFERENDUM!
SHQIPËRIA E PARA!
SHQIPTARËT MBI ÇDO GJË!
