“Data 6 mars çel mundësinë për zgjedhje të parakohshme”, Berisha në Rrogozhinë: Ta lëmë Ferdinandin në fatin e tij dhe të Lul Bravës

133
Sigal

Ish kryeministri, Sali Berisha:

Data 6 mars është një mesazh shprese i cili çel dyer e mundësisë të zgjedhjeve të reja të parakohshme politike. Shqipëria ka nevojë jetike për zgjedhje të parakohshme largimin me votën e lirë të Edi Ramës, i cili është faktuar një qeveritar i babëzitur i cili ka përdorur pushteti jo për t’ju shërbyer ju bashkë me ministrat por e ka shfrytëzuar për tu pasuruar vetë dhe zyrtërët e tij. Afera e djegave është vetëm një nga aferat e korrupsionit qeveritar. Të tjera afera do të dalin njëra pas tjetrës.

Me këtë rast i bëj thirrje të gjithë demokratëve të Rrogozhinës që të bashkohen në 6 mars me opozitën e vërtetë dhe ta lëmë Ferdinandin në fatin e tij dhe të Lul bravës, në qoftë se nuk do të bashkohet edhe ai me ne. Loja e Edi Ramës me fasadë opozitën është një lojë kundër lirive tona është një lojë kundër pluralizmit ndaj dhe ju ftoj të gjithë ju demokratë që keni ndonjë skepticizëm dhe ndiqni ish-kryetarin e partisë hiqni dorë prej tyre, bashkohuni me partinë tuaj, ju keni qënë opozitarë të vërtetë të tillë duhet të mbetni dhe ta provoni këtë në datën 6 mars.