Deputeti i LSI-së, Endrit Braimllari ka reaguar me anë të një postimi në Facebook ku shprehet në lidhje me përgjimin e bërë publik nga Zëri i Amerikës, ku tregohej qartë skema dhe roli i krimit të organizuar në blerjen e votave në disa qytete të Shqipërisë.
Braimllari është shprehur se kemi të bëjmë me një kryeministër ilegjitim i dale nga një proces zgjedhor i deformuar dhe kjo skemë që është bërë publike nga Zëri i Amerikës nëpërmjet përgjimeve zyrtare të Prokurorisë është skema që Edi Rama ka aplikuar në të gjithë vendin për të deformuar vullnetin e qytetarëve.
Ja statusi i plotë i Braimllarit :
Lidhja e Edi Ramës me krimin e organizuar, përfshirja në fushat zgjedhore dhe në të gjithë administratën publike është e verifikuar me fakte konkrete.
Deformimi i vullnetit të qytetarëve nëpërmjet presionit apo parave të drogës është skema kriminale që e mban Edi Ramën në pushtet.
Kemi të bëjmë me një kryeministër ilegjitim i dale nga një proces zgjedhor i deformuar dhe kjo skemë që është bërë publike nga Zëri i Amerikës nëpërmjet përgjimeve zyrtare të Prokurorisë është skema që Edi Rama ka aplikuar në të gjithë vendin për të deformuar vullnetin e qytetarëve.
Doli e qarte përpara çdo qytetari që Zëri i Amerikës i çori maskën këtij kryebanditi i cili shkatërroi zgjedhjet dhe mban peng vendin nëpërmjet grupeve kriminale.