Sekretari i Përgjithshëm i LSI-së, Endrit Braimllari, ka akuzuar kryeministrin Edi Rama se “kërkon me dhunë dhe presion shtetëror të drejtojë bashkitë e vendit vetëm me 15% të pjesëmarrjes në votime moniste të Rilindjes”.
Përmes një postimi në rrjetet sociale, ai është shprehur se “Edi Rama po përdor presionin, dhunën dhe zaptimin e instuticioneve”.
Gjithashtu, Braimllari, postimin e tij e ka shoqëruar me një video e thekson se “banditët e Edi Ramës thyejnë bravat e dyerve dhe zaqptojnë institucionet e vendit”.
Postimi i plotë i Braimllarit
Më 30 qershor 85% e qytetarëve refuzuan regjimin kriminal dhe korruptiv të Edi Ramës në një proces fars dhe monist.
Edi Rama kërkon me dhunë dhe presion shtetëror të drejtojë bashkitë e vendit vetëm me 15% të pjesëmarrjes në votime moniste të Rilindjes.
Keshillat Bashkiakë imagjinarë të Edi Ramës nuk përfaqesojnë interesin publik por interesin personal të Edi Ramës dhe Rilindjes.
Për t’i çuar imagjinarët e Rilindjes në zyrat e bashkisë, Edi Rama po përdor presionin, dhunën dhe zaptimin e instuticioneve.
Banditët e Edi Ramës thyejnë dyert e Bashkisë për të zaptuar instuticionet të cilat nuk ia besuan qytetarët.
Po zaptojnë me dhunë dhe me terror shtetëror instuticionet sepse kjo është filozofia e Edi Ramës: zapto, shkatërro, dhuno ç’të gjesh përpara.