Sali Berisha ka rezultuar fitues në votimet e zhvilluara ditën e sotme për kreun e Partisë Demokratike.
Berisha ka patur përballë si rival, Ibsen Elezin dhe ka fituar thellë.
Menjëherë pas shpalljes së rezultatit nga Albana Vokshi, në oborrin e selisë së PD kanë shpërthyer fishekzjarre dhe Berisha është pritur me ovacione nga militantët me sloganin tashmë të njohur: “O Sali o hero, gjithë Shqipëria ty të do”.
Rezultati i votimit:
40 820 kanë votuar për Sali Berishën, ose 93.45% të votave.
2532 të votave kanë shkuar për kandidatin tjetër në garë, Ibsen Elezi, ose 5.8%.
Të pavlefshme janë 328 vota.