Belinda Balluku: Bashkëpunimit strategjik dhe projektet e reja me SHBA-në

54
Sigal

Belinda Balluku, zëvendëskryeministrja njëherësh edhe ministre e Infrastrukturës dhe Energjisë në Shqipëri zhvilloi një takim me të Ngarkuarin me Punë të Ambasadës së SHBA-së në Tiranë, David Wisner. Në këtë takim mes Balluku dhe Wisner u diskutuan përpjekjet për vazhdimësinë e bashkëpunimit strategjik midis dy vendeve. “Diskutuam për mbështetjen që Shtetet e Bashkuara të Amerikës, do të vazhdojnë të na japin, për projektet strategjike që kemi deklaruar publikisht vitet e fundit dhe që po progresojnë ndjeshëm, por dhe për plane e projekte të reja, gjithashtu, diskutuam për reformat e rëndësishme që qeveria shqiptare çon përpara, sidomos për rezultatet e reformës në drejtësi. Për mua mbetet gjithmonë një kënaqësi e veçantë të dëgjoj vlerësimin që partnerët tanë strategjikë kanë për skuadrën e mbrojtjes kibernetike shqiptare, e cila ka marr mbështetje të qenësishme përgjatë të gjithë këtyre dy viteve sfiduese. Mbetem besimplotë në vazhdimësinë e bashkëpunimit tonë të ngushtë dhe i uroj David punë të mbarë në misionin e tij”, -tha zëvendëskryeministrja Balluku