Shtyhet seanca për incerenatorin e Fierit. Seanca e radhës u la për më dt 29 maj ora 10. Gjykata e Posaçme shtyu seancën për me argumentin për t’u njohur me kërkesat e avokatëve të të pandehurve. Në GJKKO u zhvillua seanca për aferën e inceneratorit të Fierit, ku të pandehurit Lefter Koka, Alqi Bllako dhe Arben Dervishi kërkojnë gjykim të shkurtuar. Pas pretencës së dhënë nga Struktura e Posaçme kundër Korrupsionit dhe Krimit të Organizuar, tashmë togat e zeza do të nisin gjykimin ndaj të pandehurve: Lefter Koka, Alqi Bllako dhe Arben Dervishi. Në rendin e ditës, sot pritet që gjykata të shprehet nëse do të pranojë apo jo gjykimin e shkurtuar ndaj të pandehurve, që nëse do të shpallen “fajtor”, do t’u ulet 1/3 e dënimit.
Prokuroria e Posaçme ka kërkuar në total për të përfshirë në këtë aferë, 57 vite burg. U kërkua gjithashtu konfiskimi i dy kompanive kryesore, “Integrated Technology ShPK” dhe “Alb Tech”. Akuza kërkoi konfiskimin e 4 kompanive që paguan kompanitë kryesore, si dhe 8 apartamente në pronësi të kompanive në fjalë.
KËRKESA E SPAK:
Lefter Koka, 10 vite, me gjykim të shkurtuar përfiton 6.8 vite.
Alqi Bllako 4, i ulet 2.8 vite
Serafin Papa 4 vite
Pëllum Abeshi 4 vite
Jonida Zeqo 4 vite
Bardhyl Çabiri 4-2.8 vite
Mirel Mërtiri 10-6.8 vite
Stela Gugallja 7-4.8 vite