Ish-kreu i Grupit Parlamentar të LSI-së, Petrit Vasili ka reaguar në lidhje me çështjen e arsimit në vend.
Vasili ka shkruar se propozimin e një rektori është vetëm një pikë në oqean, duke shtuar se problematikat në universitete janë një mal i madh.
Ja postimi i plotë:
U mbars mali polli një mi!!!
Tetë kërkesat e Lëvizjes Studentore ishin shumë të qarta.
I dëgjuam të gjithë!!
Mizerjen universitare, që nga konviktet ç’njerëzore, auditoret e zhveshur, bibliotekat studentore të vobekta e studentët e nëpërkëmbur i pamë të gjithë.
Ky ishte një mal i madh me probleme të tmerrshme, që presin zgjidhjen që nuk ka ardhur dhe nga sot është më larg se kurrë.
Por në fund fare…u propozua shkarkimi i një rektori ndër rektorët e shumtë të universiteteve anë e mbanë vendit.
U mbars mali dhe polli një mi !!
Drama e universiteteve shqiptare është më e dhimbshme se kurrë, sepse sot ajo është tallur keqas nga qeveria.
Kërkesat e studentëve janë aty si kauzë, si dëshmi dhe si provë e lojës së pandershme me universitetin dhe zhbërjes së një kauze vizionare të studentëve përballe vulgarizmit dhe mediokritetit feudal të qeverisë dhe jo vetëm……!!!!