Presidenti i Shqipërisë, Ilir Meta i ka shkruar një letër kreut të Shtëpisë së Bardhë, Joe Biden me rastin e 245 vjetorit të Pavarësisë së Shteteve të Bashkuara të Amerikës. Pasi falënderoi SHBA-në për mbështetjen që i ka dhënë Shqipërisë në vite edhe me situatën e Covid-19, kreu i shtetit uron që miqësua mes dy vendeve të forcohet edhe më tej. “Do të dëshiroja të shfrytëzoja këtë rast që t’Ju ritheksoja vendosmërinë e Shqipërisë për të qëndruar krah për krah Shteteve të Bashkuara të Amerikës në të mirë të interesit të përbashkët të dy popujve tanë miq, si dhe për të zhvilluar akoma edhe më tej lidhjet tona strategjike”,-shkruan Meta në facebook.
Postimi i plotë
245-vjetori i Ditës së Pavarësisë së Shteteve të Bashkuara të Amerikës më jep kënaqësinë e veçantë që t’Ju përcjell, edhe në emër të popullit shqiptar, urimet më të ngrohta e të përzemërta për Ju dhe popullin e madh amerikan, që e bënë këtë komb kaq të fortë dhe të begatë.
I njëjti mesazh urimi u shkon edhe të gjithë shqiptaro-amerikanëve, të cilët kanë kontribuar në mënyrë thelbësore për forcimin e marrëdhënieve tona. Ne ndihemi krenarë për bashkëkombasit tanë, ashtu siç jam i sigurt se ndiheni edhe Ju, si dhe besoj se miqësia jonë e përbashkët e me rrënjë të thella, do të forcohet akoma edhe më tepër.
Jemi optimistë, që madhështia e Shteteve të Bashkuara të Amerikës, si edhe e aleatëve të saj, e mbështetur në vlerat tona të përbashkëta euro-atlantike si dhe demokratike, do të mbizotërojë dhe do të triumfojë mbi shumë sfida të kohëve tona, përfshirë edhe pandeminë e Covid-19. Ju jemi mirënjohës për ndihmesën dhe mbështetjen bujare, që na dha qeveria juaj, për t’u përballur me këtë pandemi, si dhe me sfida të tjera, gjithashtu.
Do të dëshiroja të shfrytëzoja këtë rast që t’Ju ritheksoja vendosmërinë e Shqipërisë për të qëndruar krah për krah Shteteve të Bashkuara të Amerikës në të mirë të interesit të përbashkët të dy popujve tanë miq, si dhe për të zhvilluar akoma edhe më tej lidhjet tona strategjike! Ju lutem Zoti President, krahas urimeve të mia më të mira për shëndetin dhe lumturinë tuaj, të pranoni shprehjen e konsideratës sime më të lartë!
🇺🇸🤝🇦🇱 / Honorable Mr. President, H.E Joseph R. Biden Jr.,
The 245th anniversary of the Independence Day of the United States of America gives me the special pleasure to convey, on my behalf and that of the Albanian people, the warmest and cordial congratulations to You and the great American people who made this nation strong and prosperous.
The same message of congratulations goes to all Albanian Americans who have significantly contributed to the strengthening of our relations. We are proud of our countrymen as I am sure you are too, and believe that our deep rooted friendship will only get stronger.
We are optimistic that the might of the USA and its allies, based on shared democratic and Euro-Atlantic values, will prevail against many challenges of our times, including the COVID-19 pandemic. We are thankful for the generous help and assistance your government has provided for us to face this pandemic and other challenges as well.
I would take this opportunity to reaffirm the determination of Albania to stand next to the USA in the common interest of our two friendly nations and to further develop our strategic ties. Along with my very best wishes for Your health and happiness and further progress of the United States of America, please accept, Mr. President, the assurances of my highest consideration!
