Nuk erdhi ndonjëherë ndonjë i deleguar nga Europa të bëjë një falënderim për luftën kundër komunizmit shqiptar
* Juriste
Sa do të doja që të kishim edhe ne shqiptarët një ditë festive , atë të rënies së komunizmit, por që të jemi të gjithë bashkë , e jo vetëm njëra palë. Shikoni vendet që mbartin dhe duan kulturë demokratike. Më ka bërë shumë përshtypje vizita e Presidentit Nishani në Poloni. Një ditë shumë e shënuar për Polakët rënia e komunizmit … Festë dhe kujtesë e respektuar për të rënët e këtij regjimi gjakatar që kaploi lindjen dhe vendet e saj. Kur? Do të ndodhi që këtu në vendin tonë?? Ndonjë njëri i rëndësishëm si politika botërore, si udhëheqës të mëdhenj të shteteve të mëdha si Obama, Merkel, Ren, Fyle Barrosso iku, por edhe etj., etj., të festojnë me ne, rënien e këtij komunizmi gjakderdhës që pësoi populli ynë, respektin e thellë të munguar për njerëzit e rënë e flijuar për të… Kam dilema të forta?? Por nuk po hezitoj dhe po e shkruaj, se vendi ynë ka shumë e shumë dashnorë (inamorato) me të. Pra me komunizmin dhe pleboin e tyre, xhaxhi Enverin. Në do kush të punojë dhe të jetë idhull i shkrimit, duhet të bëjë librin “Gjysmë shekulli komunist shqiptar” Materialet dhe faktet për këtë libër janë të përngjashëm pak a shumë me atë pjesë të “Ferrit” të Dantes së madh. I qëndron drejtë shprehja e shenjtë e Pader Zef Pëllumbit, se Dante duhet ta kishte shkruar për në atë libër, jo për të tjerët. Defterët e vuajtjeve dhe shkatërrimit, janë me vulën dhe pullën më të turpshme të shekullit i cili ishte një shekull zhvillimi, ishte– progresiv për shumë vende të botës dhe një zhvillimi – regresiv për ne Shqiptarët. Ndërsa bota eci para 50 vite, ne u mbrapsëm, ecëm mbrapa 50 vite. Askujt, ose pak kujt i leverdis sot ta duan të vërtetën e asaj kohe, nuk e kuptojnë që kohën e bëjnë njerëzit, por koha e ikjes së tij nga ky vend është e parealizueshme dhe e pa dëshirueshme. Debati në Shqipëri socialist-komunist për mua është një dhe i pandarë… Mësim –lojë e kontrollit të shpirtrave, tani këtu është bërë lojë cic –mic, me ne. Dhe mund të themi si ajo shprehja lozonjare “nuk ekziston një fund, por vetëm një pafundësi fillimesh”. Apo ajo më e thjeshta që kujtimet e këqija vrasin më shumë se murtaja… S’filitet një masë e madhe e popullsisë në fatkeqësi, në “jazë të zezë të përjetshme për 50 vjet dhe historia politike hesht?? Kalova lumin , të dhjefsha pelën thonë shkodranët” Paraqitja e politikës sonë përpara europianëve është thjeshtë një fasadë dhe dashja e tyre e mohimit me dëshirë, fyen një popull intelektual, një shtresë Europiane në gjenezë, heronj të heshtur të demokracinë dhe në këtë kohë na dalin dëshmorët komunistë, shpëtimtarë për Europën? Na urdhëron z. Fyle në Tiranë, për urimin e Statusit Europian … Lahet e lyhet nga pushtetarët tanë dhe pastaj ja fillon të këshillojë se si duhet të marrim mend, bëjmë sikur kemi, por që nuk kemi aspak. Por të gjitha i ka të shkruara e sajuara, nuk di Fyle ose të tjerët sa probleme thelbësore kautike të përjetshme kemi ne? Nuk erdhi ndonjëherë Fyle, Barroso, apo ndonjë i deleguar nga Europa të bëjë një falënderim për luftën kundër komunizmit Shqiptar !!! Është fushë monumentale engrirë në aspektin politik për memoriet Europiane. Fyle, Barroso dhe spektri politik europian nuk e di? A dinë gjë për politikën ‘sanguine Shqiptare’ .. apo fryhen lehtë nga disa “veprimelazaratëse” dhe “bumi” i reformave, ikën e vjenë në vendin tonë, një vend i pa meritë- demokratik. Lavdëron Fyle, Barroso për Statusin “duke thënë sukses kolektiv, nuk e din se pa i hipur mirë avionit për gjetkë në vizitat e tjera të programuara, dalin qeveritarët në konferenca për shtyp dhe thonë … është sukses selektiv vetëm i yni. Iku Barroso, Fyle nga kryetari, do zëvendësohet dhe do krenohet me meritën e fundit, vizitën dhe marrjen e titullit të nderit nga presidenti ynë . O lale… lale duam Europë ne!!! Vendi më i padisiplinuar për rregullat e shkruara të saj ? Ndërsa të jetuara, kemi argumente plot zoti Fyle, Barroso!! …Ju e dini që kemi një oqean gjaku të mpirë nga të pafajshëm në luftë për lirinë, për demokracinë Europiane. Zoti Fyle, Barroso !! A e dini që Ju këtu uroni proletarë të kuq flakë komunistë!!! Që nuk i shpon as plumbi, as vrasja as rendi, sepse kanë mbrojtën e kupolës dhe sevdanë e Kryeministrit , sepse baballarët e tyre dhe këto vetë në vend të zemrës kanë çimento dhe zot nuk Ju njohin Ju, por paranë. Nuk e di se sa viktimë? apo e fituar do të jetë Shqipëria me këtë status? Sepse duke fituar euroskeptikët në zgjedhjet e fundit parlamentare Europiane, duhet të mendojnë? Është një zgjidhje e lehtë apo e pamundur? Uroj të hulumtohet pak për të drejtën e këtyre viktimave, edhe sado pak. Destabilizimi ekonomik në Europë është mode, e paparë ndërsa në vendin tonë ky destabilizim për veç se i përjetshëm ekomomik, është thellësisht shpirtëror e politik. Besoj se më këtë status Shqipëria u tolerua, por jo u pastrua. Por si gjithmonë ne do na mbetët grushti në gjoks duke e rrahur me kapadaillëk “Ja e morën ne”. Sepse Barroso, Fyle me Europianët nuk e dinë që për fitimtarët më të mëdhenj janë vetë këto pushtetarët tanë, e jo populli. Fjalimi i Barrosos e i Fyles këtu ishte një gëzim i madh, edhe personal pasi përmbyllën mandatin e tyre me këtë. Sa mandate e dekada do t’i duhen akoma Europës të përmbushi një të drejtë të vetme për “Statusin moral për demokratët e lirisë së vërtetë Shqiptare?”. Zotërinj parlamentarë Europiane: Thyeni njëherë të vetme tabutë e kohës së sotme, kujtohuni pak për kohën tonë të zymtë, kohën e mjerimit. Ekzistojnë edhe në Shqipëri viktima të demokracisë pa marrë asnjë status, edhe atë moral, të merituar plotësisht me baza e norma të ligjit moral e politik. Tani që jemi vend kandidat e keni për detyrë të kujtoni pak edhe për këto njerëz që luftuan shumë me egërsinë e kuqe komuniste, që u pushkatuan në kufijtë e kësaj Shqipërie për të jetuar me Ju dhe si Ju, aty në Europë ku jeni Ju. Kujtohuni një herë, bëni një ditë të madhe, atë të “Faljes për viktimat e tij”. Europë!! Kësaj shtrese i janë borxh shumë vetë që ju i nderoni sot. Duhet t’ju vrasi ndërgjegjja dhe përgjegjësia nëse jeni Europianë e jo komunistë të saj!