Pushimet iu lejuan lojtarëve të Lazio disa ditë argëtuese dhe relaksim në fund të një sezoni të kënaqshëm në planin sportiv, por veçanërisht të lodhshëm. Te Thomas Strakosha, për të thënë të vërtetën, udhëtimi në Greqi (ku ka familjen, prindërit) duket se ka sjellë edhe dashurinë.
Portieri bardhekaltër, tani në Athinë, ka postuar disa fotografi në Instagram, që e portretizojnë në shoqëri të ëmbël. Konkretisht, ai pozon së bashku me një modele bukuroshe, të quajtur Esther. Të dy e kaluan mbrëmjen në një restorant të njohur në kryeqytetin grek. Një çift i ri bardhekaltër duket se është formuar.
