Disa javë më parë ai na u shfaq si një baba shumë i butë dhe beqar. Por nën diellin përvëlues të Mesdheut, tashmë ylli i Romës dhe kombëtares italiane Nicolò Zaniolo, ka veshur rrobat banjës dhe në një jaht duke u “habruar” nën shoqërinë e një vajze shqiptare dhe miqve të tij.
Futbollisti i Romës është kapur nga paparacët e të përjavshmes “Chi” në Ponza, teksa nuk mungojnë skenat e nxehta me bukuroshen brune, e cila shfaqet me bikini portokalli.
Ajo madje i shpërndan kremin kundër diellit në kurriz Zaniolos dhe ai ia kthen me përqafime. Bukuroshja në fjalë është Kejdis Bardhi, një parukiere që jeton dhe punon në Terni, me të cilën Zaniolo duket shumë i lumtur.
Shqipëria duhet thënë se i solli fat Zaniolos, me golin e vetëm për Romën në fitoren e Conference League në “Air Albania” dhe ndoshta do t’i japë kënaqësinë edhe në jetën sentimentale, ç’ka i ngelet në dorë Kejdisit për ta provuar.
