Një nga aspektet më të trishtueshme të plakjes është që memoria fillon të mos jetë si mëparë.
Gjatë gjithë jetës, kurba e aftësive të të nxënit është në rritje deri në një moshë të caktuar e më pas nis rënia.
Për shembull, shpejtësia e përpunimit të informacionit nis të bjerë pas adoleshencës, ndërkohë që aftësia leksike vazhdon edhe pas të 60-ve.
Mënyrat më të mira për të mbajtur trurin në formë janë aktiviteti fizik, ndërveprimi me familjen dhe miqtë, leximi, gjëagjëzat e të tjerë.
Por këto nuk mjaftojnë për një mendje të shëndoshë.
Në këtë artikull do të mësoni më shumë për ushqimet që ushqejnë dhe mbrojnë trurin por edhe përmirësojnë kujtesën dhe humorin.
Peshqit
Peshqit dhe frutat e detit janë të pasur me acide yndyrore omega-3.
Këto acide yndyrore janë shumë të rëndësishme për mbarëvajtjen e funksioneve të trurit.
Gratë shtatzëna rekomandohet të hanë shumë peshk gjatë shtatzanisë për të përmirësuar rritjen dhe zhvillimin e trurit të foshnjës.
Peshqit më të mirë janë: salmoni, peshku ton, skumbria, midhjet, sardelet dhe trofta.
Frutat e Pyllit
Frutat e pyllit kanë shumë antioksidantë të cilat e mbrojnë trurin nga sëmundjet e ndryshme.
Këto substanca të mirë përmirësojnë kujtesën dhe aftësitë e të nxënit.
Frutat më të mira të pyllit janë luleshtrydhet, boronica, manaferra përbërësit e të cilëve përmirësojnë komunikimin e brendshëm të neuroneve në tru.
Arrorët
Arrorët janë të pasur me proteina, fibër, vitamina, antioksidantë dhe përbërës të tjerë që mbështesin shëndetin e zemrës por edhe të trurit.
Acidet polio-të-pangopura tek arrorët mirëmbajnë shëndetin e zemrës dhe kjo e fundit është e lidhur ngushtë me funksionet e trurit.
Perimet
Perimet si brokoli, barishtet e egra, lakrat e vogla ofrojnë sasi të larmishme të vitaminë K e cila është e domosdoshme për sinjalet që dërgojnë qelizat e trurit.
Studimet thonë se një regjim i pasur me vitaminë K ndihmon ndjeshëm në përmirësimin e funksioneve të trurit.
Kafeja
Kafeina besoeht të jetë mirëbërëse për lëndën gri të trurit.
Kafeina rrit përqendrimin, përmirëson kohën e reagimit, kujtesën vizuale, përmirëson humorin dhe ul rrezikun e depresionit.
Megjithatë, sasia e rekomanduar ditore e kafesë është deri në 5 filxhanë në ditë dhe jo më tepër.
Çokollata e Zezë
Flavonoidët tek çokollata e zezë përmirësojnë qarkullimin e gjakut, mbrojnë shëndetin e zemrës dhe e mbajnë zemrën të mprehtë.
Konsumi i rregullt i çokollatës me mbi 70 përqind kakao e mbron trurin nga shumë sëmundje dhe e mban atë të mprehtë.
Farat
Farat janë të pasura me yndyrna të shëndetshme, antioksidantë dhe fibër.
Farat më të mira për shëndetin e trurit janë farat e lulediellit, farat e linit dhe farat e kungullit
