Tretja e mirë dhe produktet e bulmetit janë gjithnjë një kombinim shumë i diskutueshëm.
Kjo për shkak se ushqimet që përmbajnë laktozë, për shumë persona mund të shkaktojnë probleme të tretjes dhe stomakut.
Pra qumështi, kosi apo djathërat nuk janë zgjedhja e duhur nëse vuani nga konstipacioni apo tretja.
Pavarësisht kësaj ekspertët rekomandojnë qumështin e dhisë si një alternativë e mirë për shëndetin e stomakut.
Vlerat e qumështit të dhisë
Megjithëse nuk është gjerësisht i përdorshëm, qumështi i dhisë ka të njëjtat vlera me atë të lopës.
I pasur me vitaminë D, magnez, kalium dhe yndyrna të shëndetshme qumështi i dhisë është një vlerë e shtuar për organizmin.
Gjithsesi ndryshe nga qumështi i lopës apo lloje të tjera të qumështit, ai i dhisë ndihmon shumë shëndetin.
Si e ndihmon tretjen
Ndryshe nga qumështi i lopës, ky lloj përmban një lloj probiotiku që quhet oligosakarides.
Pikërisht ky probiotik është edhe fillimi i tretjes së mirë dhe funksionimit të stomakut.
Konsumimi i këtij qumështi do t’ju bëjë të ndiheni të qetë dhe barku i fryrë e i fortë nuk do të ekzistojë.
Edhe për personat që ndihen të fryrë apo ndjejnë shqetësime pak pasi kanë konsumuar qumësht lope, tek ai i dhisë nuk do ta ndjejnë këtë shqetësim.
Kjo për shkak të proteinës A1 të cilën qumështi i dhisë e përmban shumë më pak se ai i lopës.
Këtë proteinë shumë njerëz nuk arrijnë ta tresin mirë, ndaj për të evituar problemet mundohuni të zëvendësoni qumështin e lopës me atë të dhisë.
Ku ta gjeni
Qumështi i dhisë gjendet lehtësisht në dyqane apo mund edhe ta merrni direkt nga fermerët, duke u siguruar që është më parë i pasterizuar.