Deri vitin e kaluar, Avatar ishte filmi më i suksesshëm i të gjitha kohërave – një arritje mjaft mbresëlënëse, duke pasur parasysh se filmi u publikua një dekadë më parë.
Për fat të keq, filmi u mposht nga Avengers: Endgame në verë, por kjo nuk do të thotë se regjisori James Cameron është dëshpëruar nga ky fakt. Jo, sepse vazhdimi i filmit të shumëpritur është duke u punuar tash e një kohë të gjatë, me konceptin e Avatar 2 që duket më i mirë sesa paraardhësi i tij.
Të hënën mbrëma, Cameron u shfaq në ngjarjen 2020 CES në Las Vegas, ku zbuloi edhe konceptin e fotografive të vazhdimit. Pamjet më pas u publikuan në rrjete sociale, duke na dhënë përshtypjen e parë të rikthimit në Pandora.
Pamjet shfaqin ishujt tropikalë, pyjet e gjelbra dhe krijesat e reja të ujit. Një postim i bërë në Twitter nga llogaria zyrtare e filmit, shkruan: “Në vazhdimet e Avatar, jo vetëm që do të ktheheni në Pandora – por do të përjetoni pjesë të reja të botës. Shikoni këto copa arti koncept, për të parë se çfarë po vjen”.
In the #Avatar sequels, you won’t just return to Pandora — you’ll explore new parts of the world.
Check out these brand new concept art pieces for a sneak peek at what’s to come. pic.twitter.com/bfZPWVa7XZ
— Avatar (@officialavatar) January 7, 2020
Edhe pse traileri për filmin ka ende shumë kohë që të publikohet, fotografitë të paktën na tregojnë se çfarë të presim vitin tjetër, kur filmi – aktualisht i titulluar “Avatar: Rruga e Ujit” – pritet të lansohet.