Ish-inxhinieri i Amazon, Alexe, ka zhvilluar një aplikacion që synon të përkthejë mjaullimën e maces tuaj.
MeowTalk regjistron tingullin dhe më pas përpiqet të njohë kuptimin e tij. Duke vepruar kështu, vetë pronari i maces gjithashtu ndihmon në shënimin e përkthimit, duke krijuar një bazë të dhënash nga e cila mund të mësojë softueri AI.
Aktualisht ka vetëm 13 fraza në fjalorin e aplikacionit, duke përfshirë: “Më ushqe!”, “Jam e zemëruar!” dhe “Më lërë të qetë!”.
Kërkimet sugjerojnë që, ndryshe nga shërbëtorët e tyre njerëzorë, macet nuk ndajnë të njëjtën gjuhë, shkruan BBC.
Meow e çdo maceje është unike dhe e përshtatur për pronarin e saj, kështu që në vend të një baze të të dhënave të përgjithshme për tingujt e maceve, përkthimi i aplikacionit ndryshon për secilin profil individual.
Duke regjistruar dhe etiketuar tinguj, softueri i inteligjencës artificiale dhe i të mësuarit të mjaullimës mund të kuptojë më mirë zërin e secilës mace individuale – sa më shumë që përdoret, aq më e saktë mund të bëhet.
“Unë mendoj se kjo është veçanërisht e rëndësishme tani sepse, me gjithë distancën shoqërore që po ndodh, ju keni njerëz që janë mbyllur në shtëpi me gjysmën e tyre më të mirë që shpesh është macja e tyre”, tha Javier Sanchez, menaxheri i programit teknik të grupit në zhvilluesin Aquelon, në një webinar në faqen e tij të internetit.
