Adoleshentët zakonisht kanë probleme të lëkurës gjatë pubertetit. Ata përdorin çdo alternativë që gjendet në treg për eliminimin e akneve, si antibiotikët, peroksid benzoyl ose Retin-A, por për fat të keq, asgjë nuk funksionon. Ndonjëherë të gjitha këto produkte vazhdojnë të irritojnë lëkurën dhe i bëjnë gjërat akoma më keq.
Puçrrat hormonale nuk janë diçka nga e cila ju mund të shpëtoni shpejt, si një njollë e zakonshme ose ndonjë plagë. Puçrrat hormonale vijnë si pasojë e një çekuilibri të rëndë endokrin. Në shumicën e grave, puçrrat shfaqen gjatë fazës së ovulacionit ose pak para fillimit të periudhës së tyre. Gjatë këtyre periudhave nivelet e dy hormoneve, estrogjenit dhe testosteronit janë më të larta.
Por jo çdo grua përjeton probleme të lëkurës gjatë ovulimit ose para periudhës së tyre. Kur trupi nuk arrin të rregullojë apo normalizojë hormonet, ai fillon t’i grumbullojë ato, pa aftësinë për t’i eliminuar, që do të thotë se trupi nuk është në gjendje të kryejë me sukses një detoksifikim.
Nëse stili juaj i jetës është i pashëndetshëm, shanset që ju të keni hormone të pabalancuara janë të larta. Organet tuaja të cilat eleminojnë toksinat, si mëlçia ose lëkura nuk do të bëjnë punën e duhur. Dominimi i estrogjenit mund të shkaktojë inflamimin e lëkurës suaj dhe niveli shumë i lartë i testosteronit ndikon në gjendrat tuaja dhjamore për të prodhuar më shumë vaj.
Hormonet dhe mëlçia
Mëlçia është organ shumë i rëndësishëm i cili grumbullon të gjitha toksinat nga trupi juaj dhe është përgjegjës për eliminimin e tyre. Ajo luan një rol të madh në balancimin e hormoneve tuaja, kur mëlçia është e mbingarkuar dhe nuk mund të arrijë të merret me toksinat ose me nivele shumë të larta hormonale, ajo fillon të ndikojë në lëkurë.
Meqenëse lëkura është një organ eliminimi, ajo fillon të reagojë me anë të skuqjeve, puçrrave, lëkurës shumë të thatë.Përpiquni të ndihmoni mëlçinë tuaj duke i ulur toksinat që vijnë nga ushqimi, pijet ose ndotja ose bëni një trajtim detoksifikues.
Çfarë mund të bëni që të keni lëkurë më të pastër ?
Lëkura juaj si organi më i madh i eliminimit në trupin tuaj funksionon në bashkëpunim me organet e tjera të mëlçisë, zorrëve të mëdha dhe sistemit limfatik. Ata punojnë së bashku si një ekip, kështu që nëse ndonjë organ nuk arrin të luajë rolin e tij në ekip, organet e tjera duhet ta kompensojnë disi atë.
Toksinat në trupin tuaj duhet të eliminohen, kështu që nëse niveli i toksinave është shumë i lartë, ato do të fillojnë të shfaqen në lëkurën tuaj.E vetmja gjë që mund të bëni është të parandaloni problemin duke bërë një zgjedhje të shëndetshme të jetës!
Menjëherë eleminoni
Bulmetin: Shumë produkte të qumështit në treg përmbajnë hormone sintetike që grumbullohen në trupin tuaj. Produktet e qumështit janë përgjegjës për sindromën e zorrëve të prishura dhe shkaktojnë inflamacion në trupin tuaj.
Soja: Soja përmban phytoestrogens që e bën lëkurën tuaj të prirur të ketë më shumë puçra. Hidhini një vështrim etiketave ushqyese pasi soja mund të gjendet në shumë produkte të tjera.
Gluten: Ky është shkaku kryesor i sindromës së inflamacionit.
Kikirikët: Shumë njerëz madje edhe ata që nuk janë alergjik ndaj tyre mund të përjetojnë reagime negative duke përfshirë këtu dhe problemet e lëkurës.
Vajin e lulediellit: Përqindja e omega-6 vs acidet yndyrore omega-3 nuk është idealja në këto vajra. Rezultati është inflamimi i lëkurës gjatë kulmit së estrogjenit.
Çfarë të përfshini në dietin tuaj:
Merrni ushqyesit e duhur: pini lëngje në shtëpi që do t’ju pastrojnë trupin.
Riktheni bakteret e mira:Probiotikët. Ato janë të mirë për tretjen dhe shëndetin e zorrëve, gjithashtu mund t’ju ndihmojnë me balancimin e hormoneve tuaja. Lloji i veçantë i baktereve të quajtura “estrobolome” mund të ndihmojë procesin e metabolizmit të estrogjenit …
Përdorni makeup organik: ajo që përdorni në lëkurën tuaj është po aq e rëndësishme sa ajo që ha.
Mundohuni të shmangni produktet që përmbajnë:
Ftalatët që shkatërrojnë endokrinën (akronimet DBP, DEHP)
Sulfat lauril natriumi, sulfatet eter (akronimet SLS, SLES)
Paraben (përfshirë metil, etil, propil)
Anolamina (akronimet TEA, DEA, TEA)
vazelinë
