Vlorë: Zbulohen dhe asgjësohen 370 bimë narkotike

452
Policia e Vlores zbuloi dhe asgjësoi përmes djegies, një parcelë me 370 bimë narkotike kanabis sativa, ndërkohë që nisi hetimet për identifkimin e autorëve. Burime zyrtare te policise lokale bene te ditur per ATSH-ne se, bimët narkotike me një lartësi deri në 120 cm, u zbuluan në fshatin Treblovë, të Bashkisë Selenicë, 30 km në lindje të Vlorës, gjatë një operacioni antikanabis të policisë lokale. Kanabisi ishte kultivuar në një parcelë toke pa pronar, çka e vështirëson punën hetimore të policisë për identifikimin dhe kapjen e personave që kanë lidhje me bimët narkotike. Ky aksion i policisë së Vlorës, pason atë të dy ditëve me parë, kur në fshatin Verbas, u zbuluan dhe asgjësuan 2890 bimë narkotike kanabis sativa. Gjatë këtij aksioni, që u shoqërua me bilancin më të madh në të paktën dy muajt e fundit, u arrestuan edhe 3 persona të dyshuar, ndërkohë që u shpall në kërkim një i katërt. Kështu, u arrestuan në flagrancë shtetasit, Myslym Gllucaj, 38-vjeç, Tomorr Malaj, 50-vjeç, Servet Canaj, 71-vjeç, ndërkohë që u shpall në kërkim edhe Maksim Canaj, 32-vjeç. Gjatë dy muajve të fundit, policia e Vlorës ka zbuluar dhe asgjësuar të paktën 29 mijë bimë narkotike kanabis sativa, ndërkohë që ka arrestuar apo shpallur në kërkim 16 persona të dyshuar se kanë lidhje me to.
Sigal