Tiranë/ Abuzoi sek*ualisht me të miturën, arrestohet 31-vjeçari

18
Sigal

Ditën e sotme, është vënë në pranga, shtetasi me inicialet E.Q., 31 vjeç.

Shërbimet e Komisariatit të Policisë Nr.4 kanë vijuar aksionin e tyre pas një denoncimi të bërë nga një e mitur, e cila pohoi se u përdhunua nga 31 vjeçari. Forcat e policisë kanë bërë të mundur identifikimin e të dyshuarit dhe kanë arritur kapjen e tij.

E mitura mësohet se ndodhet në spital për ndihmë mjekësore, Ndërkohë që Prokuroria pranë Gjykatës së Shkallës së Parë Tiranë po vijon veprimet procedurale.

Njoftimi i Policisë:

Tiranë
Abuzoi seksualisht me një shtetase të mitur, falë punës intensive hetimore të specialistëve për Hetimin e Krimeve të Komisariarit të Policisë Nr. 4, identifikohet, kapet e vihet në pranga 31-vjeçari.
Shërbimet e Komisariatit të Policisë Nr. 4, në vijim të punës për goditjen e paligjshmërive dhe kapjen e autorëve që kryejnë vepra penale, pas njoftimit të marrë se një shtetase e mitur, ishte paraqitur në spital për ndihmë mjekësore, dhe dyshohej se ishte abuzuar seksualisht, menjëherë kanë organizuar punën për dokumentimin e plotë ligjor dhe vënien përpara përgjegjësisë penale, të autorit të dyshuar.
Si rezultat i punës intensive hetimore, u bë identifikimi, kapja dhe ndalimi i shtetasit E. Q., 31 vjeç, banues në Tiranë.
Ky shtetas, më datë 11.02.2024, dyshohet se ka abuzuar seksualisht me një shtetase të mitur.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.