Aksidenti i djeshëm pranë ‘Casa Italia’ në Autostradën Tiranë-Durrës, ku një makinë u nda në dysh pas përplasjes me një kamion të ndaluar në rrugë, ka marrë jehonë edhe në mediet ndërkombëtare
Është televizioni RTL, i cili i ka kushtuar një kronikë aksidentit që ndodhi pranë mbikalimit në dalje të autostradës.
“Në kryeqytetin e Shqipërisë, në Tiranë, ka ndodhur një aksident i rëndë. Aq i fortë ishte aksidenti, sa makina u nda në dy pjesë. Por nuk do e besoni: shoferi mbijetoi. Ai rrëshqiti poshtë një kamioni. Nga makina e tij Volkswagen nuk ka mbetur shumë. Shoferi duket se ka pasur një engjëll mbrojtës. Ai shpëtoi vetëm me një plagë në fytyrë, që iu shkaktua nga airbag-u. Makina e tij është tashmë një grumbull teneqesh,” thuhet në kronikë
