Një aksident tragjik ka ndodhur ditën e sotme në Divjakë.
Një 19-vjeçare me emrin Elsa Meçi ka ndërruar jetë pasi automjetit tip “Audi” ka dalë nga rruga.
Pasagjerja Elsa Meçi, nuk i ka mbijetuar plagëve kurse janë dëmtuar drejtuesi i mjetit, Vilson Hoxha dhe pasagjeri tjetër i paidentifikuar.
Mësohet se viktima është e fejuara e drejtuesit të mjetit.
Njoftimi i policisë:
Divjakë
Sot rreth orës 10:25, në rrugës nga Divjaka për në plazh, automjeti tip “Audi“, me drejtues shtetasin V. H., 25 vjeç, banues në Divjakë, ka dalë nga rruga, ku për pasojë ka ndërruar jetë pasagjerja në mjet, shtetasja E. M., 19 vjeçe, banuese në Zharrnec, si edhe janë dëmtuar drejtuesi i mjetit dhe pasagjeri ende i paidentifikuar, të cilët ndodhen në spitalin e Lushnjes nën kujdesin e mjekëve.
Grupi hetimor po punon për zbardhjen e plotë të ngjarjes.
