Një i ri me kombësi shqiptare është arrestuar në Rimini të Italisë, në lidhje me sekuestrimin e mbi 1 kg kokainë.
I arrestuari kishte përfunduar në hetimet e karabinierëve, të cilët në përfundim të aktiviteteve hetimore kryen kontroll fillimisht në banesën e tij, më pas në garazh.
Pikërisht në vendin e fundit u gjetën 7 pako kokainë dhe një çantë shpine që përmbante një sasi tjetër të së njëjtës lëndë narkotike, mbi 1 kg. Hetimet janë kryer edhe me repartin e qenve të Policisë Vendore.
I riu, i akuzuar për trafik droge dhe i mbrojtur nga avokati Massimiliano Orrù, ndodhet tani në burgun Casetti.
