Një 60-vjeçar është gjetur i pajetë sot në Himarë. Policia e Vlorës bën me dije se “në orën 07:03, në fshatin Vranisht, është gjetur i varur me litar në afërsi të banesës së tij shtetasi me gjeneralitetet A.A”.
Nga këqyrja paraprake në trupin e viktimës nuk vërehen shenja dhune apo dëmtime të tjera përveç atyre të shkaktuara nga litari.
Bazuar në veprimet e para hetimore të policisë, dyshohet se ky shtetas mund të jetë vetëvarur.
Grupi hetimor po punon për zbardhjen dhe sqarimin e rrethanave të ngjarjes.