Policia e Kurbinit ka dhënë detaje të tjera, për sa i përket mbytjes në ujërat e lumit Mat, të 46-vjeçarit Arben Marku. Sipas Policisë, mësohet se u bë i mundur gjetja dhe nxjerrja e trupit të tij, pa shenja jete.
Sipas të njëjtave burime, mësohet se nga këqyrja paraprake, nuk janë konstatuar shenja dhune apo të ndonjë dukurie tjetër fizike në trupin e tij. Vazhdojnë hetimet për zbardhjen e plotë të rrethanave të ngjarjes.
Informacioni i Policisë së Kurbinit
Në vijim të informacionit paraprak ku rreth orës 15:30, është njoftuar Salla Operative Kurbin se shtetasi A. M. 46 vjeç, banues në Skuraj është hedhur për tu larë në lumin Mat nga vendi i quajtur “Ura e Shkopetit” ( urë provizore) dhe nuk ka dalë më në breg, u bë i mundur gjetja dhe nxjerrja e trupit të tij, pa shenja jete.
Nga këqyrja paraprake, nuk janë konstatuar shenja dhune apo të ndonjë dukurie tjetër fizike në trupin e tij.
Vazhdojnë hetimet për zbardhjen e plotë të rrethanave të ngjarjes.
Informacion paraprak, i Policisë Kurbin
Më datë 15. 08. 2018, rreth orës 15:30, është njoftuar Salla Operative në Kurbin, se shtetasi A. M. rreth 46 vjeç, banues në fshatin Skuraj, është hedhur për tu larë në lumin Mat, në vendin e quajtur “Ura e Shkopetit” (urë pasarelë), dhe nuk ka dalë në breg.
Vazhdojnë kërkimet nga forcat policore për gjetjen e tij.
