Një automjet është përfshirë nga flakët sot në Korçë ndërsa ka qenë në lëvizje. Sipas të dhënave zyrtare nga policia, ngjarja ka ndodhur në rrugën nacionale Korçë-Bilisht në afërsi të fshatit Belorta, ku automjeti tip “Nisan” ka marrë zjarr në ecje e sipër, ndërsa ka shkaktuar alarm tek banorët.
Menjëherë në vendngjarje ka shkuar zjarrfikësja, e cila po bën shuarjen e flakëve. Policia bën me dije se dëme në njerëz nuk ka. Paraprakisht dyshohet se flakët mund të jenë shkaktuar, si pasojë e një shkëndije elektrike.
Është ngritur grupi hetimor dhe po punohet për zbardhjen e rrethanave të ngjarjes.
