Një 43-vjeçar nga Fushë-Kruja është shpallur në kërkim nga policia për veprën penale të “dhunës në familje”. Sipas policisë, shtetasi me iniciale G.Gj, 43 vjeç ka goditur me thikë bashkëshorten e tij.
Pas ngjarjes, gruaja e plagosur është transportuar me urgjencë drejt spitalit dhe aktualisht ndodhet nën kujdesin intensiv të mjekëve. Nuk dihen ende shkaqet e ngjarjes, ndërsa policia ka zbarkuar në zonë dhe po punon për dokumentimin e plotë të saj.
Njoftimi i policisë:
“Policia shpall në kërkim një shtetas për veprat penal “Dhunë në familje”, “Plagosje e rëndë me dashje ” dhe “Mbajtja pa leje e armëve të ftohta”.
Specialistët për Hetimin dhe Parandalimin e Krimeve në Komisariatin e Policisë Krujë,
shpallën në kërkim dhe po punojnë për kapjen e shtetasit G.Gj., 43 vjeç, pasi dyshohet se në orët e para të mëngjesit ky shtetas, për motive të dobëta, ka goditur me mjet prerës (thikë), bashkëshorten e tij shtetasen A.Gj.,37 vjeçe, banuese në Fushë Krujë, e cila u transportua në spital dhe ndodhet nën kujdesin e mjekëve. Materialet hetimore i kaluan Prokurorisë pranë Gjykatës së Shkallës së parë Krujë për veprime të mëtejshme.
