Detaje të reja kanë dalë pas zjarrit të rënë në panelin elektrit të një pallati në rrugën “Teodor Keko” në kryeqytet.
Budime nga vendi i ngjarjes bëjnë me dije se ndonëse zjarri është fikur nga forcat zjarrfikëse, për shkak të tymit të madh janë asfiksuar dy të moshuar të cilët po marrin ndihmën e parë nga mjekët.
Policia po punon për evakuimin e të gjithë banorëve të pallatit, ndërsa mësohet se për shkak të tymit të madh, disa banorë kanë dalë nëpër ballkone e disa të tjerë janë ngjitur në tarracë, ndërsa akuzojnë firmën e ndërtimit. Ata shprehen se është hera e dytë që ka rënë zjarr në këto pallate.
Në njoftimin e policisë thuhej:
Tiranë
Informacion Paraprak
Në rrugën “Teodor Keko” ka rënë zjarr në panelin elektrik të një pallati i cili është fikur nga shërbimi i zjarrfikëses.
Shërbimet e policisë në bashkëpunim me zjarrfikësit po bëjnë evakuimin e banorëve për shkak të prezencës së madhe të tymit.
Deri në këto momente nuk ka persona të dëmtuar.
Në vendgjarje ndodhen edhe ambulancat.