Plagosje me thikë në një lokal në lagjen “Çelepias” në Berat. Autori Asllan Fatiu ka hyrë në lokal dhe ka qëlluar me thikë në bark një 85-vjeçar i cili ndodhet në spital.
I plagosuri është transportuar drejt Spitalit Rajonal Berat, ndërsa autori është larguar nga vendngjarja.
Berat/Informacion paraprak
Rreth orës 19:00, në lagjen, Çelepias, Berat, në ambientet e një lokali, dyshohet se për motive të dobëta, shtetasi A. F., 37 vjeç, ka plagosur me mjet prerës (thikë), shtetasin T. B., 85 vjeç , i cili ndodhet në spital.
Shërbimet e Policisë, ndodhen në vendngjarje dhe vijojnë krehjen e zonës për kapjen e autorit të dyshuar.
Grupi hetimor vijon punën për zbardhjen e plotë të rrethanave të ngjarjes.
