23-vjeçari aksidenton një grua në Tiranë, ndërron jetë në spital pas dëmtimeve të marra

88
Sigal

Një 23-vjeçar ka aksidentuar për vdekje një grua, ende të paidentifikuar, në bulevardin Zhan D’Ark të Tiranës.

I riu me iniciale M. A., me automjet ka përplasur viktimën, e cila fillimisht u dërgua në spital e më pas policia njoftoi se ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të aksidentit.

Njoftimi policisë:

1-Tiranë/Informacion paraprak

Më datë 07.02.2023, në orën 16:00, në bulevardin Zhan D’Ark, shtetasi M. A., 23 vjeç, duke drejtuar automjetin ka aksidentuar një shtetase, ende të paidentifikuar, e cila si pasojë është dëmtuar dhe ndodhet në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.

2-Tiranë/Informacion shtesë

Në vijim të informacionit të dhënë pak më parë, ju informojmë se shtetasja e dëmtuar, ka ndërruar jetë.
Grupi hetimor po punon për sqarimin e rrethanave të aksidentit.