Policia shoqëron në komisariat Mustafa Gjatën, pronarin e shtëpisë që kundërshtoi shembjen e tij pasi nuk kishte marrë paratë e shpronësimit.
Sipas asaj që transmeton Abc News, Gjata është shoqëruar për kundërshtim të punonjësit të policisë.
Më herët, sot është arritur një marrëveshje me familjen e Mustafa Gjatës, i cili deklaroi se ai dhe pesë anëtarët e tjerë të familjes, nuk do të pranonin që ta lironin shtëpinë.
Kështu, banesa nuk do të shembet ditën e sotme pasi familja nuk ka ku të shkojë. INUV u ka konfirmuar që janë hedhur paratë në llogarinë e kryefamiljarit.
Nga ana tjetër punëtorët e bashkisë kanë filluar që të zhvendosin orenditë e shtëpisë.
Ditën e sotme INUV ka nisur një aksion për shembjen e 2 banesave në rrugën “Vasil Shanto”, por ka hasur kundërshtinë nga ana e banorëve.
Edhe pse rezistenca nuk mungoi nga banorët, një nga banesat tashmë u shemb.
