Zjarre të mëdha në Francë, zjarrfikësit: Po luftojmë me flakë të përbindshme, kemi evakuuar 10 mijë banorë

50
Sigal

Më shumë se 1,000 zjarrfikës po luftojnë me një zjarr “përbindësh” në Francën jugperëndimore që ka shkatërruar tashmë rreth 7,000 hektarë (17,300 hektarë) pyll, thonë zyrtarët.

Zjarri i furishëm pranë qytetit të Bordeaux ka shkatërruar një numër banesash dhe ka detyruar 10,000 banorë të largohen.

“Janë flakë të përbindshme,” tha përfaqësuesi i zjarrfikësve Gregory Allione për Radion Franceze RTL.

Erërat e forta dhe temperaturat e larta po vështirësojnë operacionin e shuarjes së zjarrit.

Presidenti Emmanuel Macron njoftoi se Austria, Gjermania, Greqia, Polonia dhe Rumania “po vijnë për të ndihmuar” Francën në luftimin e flakëve. “Solidariteti evropian në punë!” postoi ai në Twitter.

Këtë verë Franca dhe një numër vendesh të tjera evropiane kanë parë një valë zjarresh vdekjeprurëse, të shkaktuara nga temperaturat rekord dhe thatësirat në të gjithë kontinentin.