Policia greke ka rënë në gjurmët e një bosi të madh të kokainës i cili është shqiptar dhe njihet me nofkën “Billy the Kid”.
Gjurmimi i tij erdhi pas arrestimit të modeles se njohur greke Elena Polychronopoulou dhe partnerit të saj me rreth 8 kilogramë kokainë të pastër.
Sipas mediave greke, modelja dhe partneri i saj po kryenin shërbime në emer të një rrjeti të fuqishëm mafioz shqiptar.
Policët me përvojë të Prokurorisë së Sigurisë së Drogës të Sigurisë Attica e karakterizojnë “Billy the Kid” si një “lojtar” të fortë në kartelet e kokainës.
Ai është vlerësuar si trafikanti i drogës me kontakte të drejtpërdrejta me vendet e Amerikës Latine dhe konsiderohet se ka aftësinë për të importuar sasi të mëdha të kokainës në Shqipëri dhe Mal të Zi dhe më pas t’i shpërndajë ato në tregun evropian.
Sipas informacioneve të vëna në dispozicion të policisë, ata janë të bindur se “Billy the Kid” ka përhapur rrjetin e tij të aktiviteteve ilegale në të gjithë Evropën, duke anashkaluar edhe mafian e fuqishme serb.
Pas hetimeve të plota, ata arritën të lokalizojnë edhe vendin ku ai ka ngritur “selinë” e tij, në këtë rast Belgjikën, duke njoftuar menjëherë Autoritetet e vendit të caktuar, në mënyrë që ata, nga ana tjetër, të mund të kryejnë hetime për ta gjetur liderin e kartelit të drogës.
Policia zbuloi duke përdorur teknologji të lartë, se “Billy the Kid” komunikon me kontaktet e tij nga Belgjika, nga ku jep udhëzimet e nevojshme si për importin e sasive të kokainës ashtu edhe për trafikun e drogës në Greqi dhe Evropë.
