U akuzua për përdhunimin e turistes së mitur, 25-vjeçari shqiptar tenton të korruptojë policët “me kafe”, por përfundon pas hekurave

58
Sigal

Një rast i rëndë është shënuar në Greqi, ku një ishullin Kos, ku një 25-vjeçar me origjinë shqiptare është denoncuar fillimisht për përdhunim, ndërsa më pas ka tentuar që të korruptojë policët duke u ofruar atyre para.

Siç raporton “Rodiaki”, një 17-vjeçare gjermane ka shkuar në Departamentin e Sigurimit të Kos dhe ka denoncuar 25-vjeçarin për përdhunim. Ajo tha se ata u takuan në një dyqan të kujdesit shëndetësor dhe përfunduan në plazhin e ishullit.

Policia gjeti dhe arrestoi 25-vjeçarin, por ai ka deklaruar se gjithçka ka ndodhur me dëshirën e 17-vjeçares.

Më pas 25-vjeçari u ka kërkuar oficerëve që të “mbyllnin” çështjen dhe ta linin të ikte, duke u premtuar se do t’u “jepte kafe” ose do t’u jepte çfarëdo që të kërkonin.

Tentativa për ryshfet nuk solli rezultatin e dëshiruar të 25-vjeçarit, pasi policia e referoi si për përdhunim të 17-vjeçares, ashtu edhe për ryshfet.