Presidenti Donald Trump paralajmëroi të shtunën se takimi i tij me Kim Jong Un në Singapor më 12 qershor është “mundësia e vetme” për udhëheqësin koreano-verior kur të ulen të diskutojnë për programin e Phenianit për armët bërthamore.
Para se të largohej nga Takimi i Grupit të Shtatëshes në Kebek të Kanadasë, zoti Trump tha të shtunën për gazetarët se parashikon se do ta kuptojë menjëherë nëse zoti Kim është i angazhuar seriozisht për zgjidhje. “Do ta di brenda minutës së parë. E kam këtë aftësi,” tha zoti Trump.
“Takimi i planifikuar me Kim, mision për paqe.“Mendojmë se Koreja e Veriut do të bëhet një vend i jashtëzakonshëm brenda një periudhe të shkurtër,” tha ai.
