Spanja i del sërish krah Serbisë: Nuk do ta njohim Kosovën

58
Sigal

Serbia ka mbështetjen e sinqertë të Spanjës në ruajtjen e integritetit të saj territorial, tha Ministrja e Jashtme e Spanjës, Aranca Gonzalez.

Kjo temë u diskutua pas bisedës me homologun serb, Nikola Selakoviç në Madrid.

“Spanja i përmbahet parimit të mosnjohjes së Kosovës. Ne e kemi mbrojtur atë pozicion deri më tani, ne po e bëjmë sot dhe do të vazhdojmë edhe në të ardhmen”, tha ministrja në një konferencë të përbashkët shtypi, duke iu përgjigjur pyetjes së Tanjugut nëse spanjollët mbajnë pozicionin e tyre rreth mosnjohjes së pavarësisë së Kosovës.

Gonzalez vuri në dukje se çështja e Kosovës duhet të zgjidhet në dialogun midis Beogradit dhe Prishtinës.

“Ne duhet ta mbështesim edhe më vendosmërisht atë dialog si një mënyrë për një zgjidhje paqësore të çështjes së Kosovës”, tha ministri spanjoll.