Kabuli duket se nuk do të gjejë qetësi nga shpërthimet. Ditën e sotme është regjistruar një tjetër shpërthim në kryeqytetin afgan.
Sipas BBC shpërthimi i fortë është dëgjuar pranë aeroportit të Kabulit.
Disa imazhe të postuara në mediat sociale tregojnë retë e zeza të tymit që ngrihen në ajër mbi ndërtesat.
Një zyrtar i ministrisë së shëndetësisë ka thënë për BBC se shpërthimi i fundit u shkaktua nga një raketë që goditi një shtëpi pranë aeroportit.
Sipas informacioneve aeroporti nuk u godit drejtpërdrejt.
Nuk ka ende të dhëna të sakta nëse ka viktima ose jo. Kujtojmë se rreth 170 persona u vranë në një shpërthim vetëvrasës pranë aeroportit të enjten, i cili u krye nga një degë e grupit të Shtetit Islamik.
Updates:
A house near to Kabul airport hit by a rocket. pic.twitter.com/t3Ue3AXD0s
— Shafi Karimi (@karimi_shafi) August 29, 2021
