Kryebashkiakja e qytetit Clay në West Virginia dha dorëheqjen të martën pas statusit në Facebook kundër Michelle Obamës.
Pamela Ramsey Taylor, kryebashkiake vendosi një status racist në rrjetin duke shkruar:
“Do jetë freskuese të kemi një grua më klas, të bukur dhe zonjë dinjitoze në Shtëpinë e Bardhë. U lodha duke parë një majmun me taka”.
Këshilli i qytetit pranoi vendimin të martën vonë dhe bëri me dije se do të vepronte shpejt për zëvendësimin e mandatit të mbetur bosh për tri vitet e mbetura.
Anëtari i këshillit, Jason Hubbard lëshoi një deklaratë të shkurtër, duke dënuar postimin dhe duke e konsideruar si “të tmerrshëm dhe të pandershëm”.
Ai kërkoi falje në emër të qytetit për Michelle Obaman dhe këdo që ishte ndjerë i ofenduar.