Policia italiane ka arrestuar një 37-vjeçar shqiptar me akuzën e trafikut ndërkombëtar të lëndës narkotike. Sipas policisë italiane, në një garazh në përdorim të tij u gjetën 28 kilogramë marijuanë, 1 kilogram kokainë, 47 telefona celularë, 25 mijë euro.
Gjithashtu, policia gjeti edhe 6 automjete të përdorura për transportimin e drogës, si dhe materiale për konfeksionimin e dozimin e lëndës narkotike. Mediat italiane raportojnë se prej më se një viti, shqiptari rezident në komunën Villafranka në provincën e Veronës, vëzhgohej nga agjentët e Policisë së këtij qyteti si një person i lidhur me trafikun ndërkombëtar të drogës.
37-vjecari Artur Petushi, konsiderohet nga policia italiane si një nga trafikantët më të mëdhenj të drogës që veprojnë në zonën e Veriut të Italisë, me lidhje me organizatat kriminale ndërkombëtare. Dhe pse shumë herë të tjera është hetuar nga policia italiane, Astrit Petushi ka mundur gjithmonë t’i shpëtoj urdhrit të arrestimit.