Të paktën katër vetë vdiqën dhe dhjetëra të tjerë u plagosën kur një tren u përplas pranë kryeqytetit të Marokut, Rabat.
Incidenti ndodhi në Bouknadel, midis kryeqytetit dhe qytetit të Kenitrës.
Videot dhe fotot e publikuara tregojnë trenin e dalë nga shinat.
Sipas vlerësimve të para numri i të plagosurve është rreth 90.
Dëshmitarët raportojën se drejtuesi i trenit është lënduar rëndë ndërsa disa nga pasagjerët kanë humbur gjymtyrët.
Ambulancat po transportojnë të plagosurit në spitalet lokale, ndërsa pritet që numri i të vdekurve të rritet.
Fillimisht u raportua se janë përplasur dy trena, por zyrtarë nga Maroku konfirmuan se ishte vetëm një tren që ka dalë nga shinat.
