Përmbytje katastrofike kanë goditur Sardenjën, duke i marrë jetën 3 personave, ndërsa disa të tjerë rezultojnë të zhdukur. Këto janë pasojat përmbytjeve katastrofike të shkaktuara nga rrëshqitjet e tokës si pasojë e reshjeve të dendura në Sardenjë.
3 persona humbën jetën dhe disa të tjerë rezultojnë të zhdukur në qytezën e Bitit, në veri-lindje të ishullit italian. Dhjetëra automjete u mbuluan me dhera e baltë, pasi reshjet e dendura shkaktuan fryrjen e lumenjve në qytezën që shtrihet rrëzë një kodre. Dëmet në infrastrukturë janë po ashtu të konsiderueshme, me rrugë e ura të shkatërruara.
Autoritetet lokale shpallën gjendjen e emergjencës, teksa ekipet e kryqit të kuq kanë zbritur në terren për t’u ardhur në ndihmë ekipeve të kërkim-shpëtimit. Kushtet ekstreme të motit kanë shkaktuar probleme edhe në hemisferën jugore, që ndodhet në kulmin e stinës së verës.
